顾嘉煇昨天离世 享年92岁 胞姐顾媚证实死讯
殿堂级音乐人顾嘉煇昨天（1月3日）在加拿大离世，享年92岁。黄淑仪称收到温哥华艺术家联会通知顾嘉煇（煇哥）离世消息，并获顾嘉煇胞姐顾媚证实。
她表示去年初曾与煇哥见面，邀请对方及仙杜拉到自己家中食饭，对方当时精神好好，没什麽健康问题。对于好友离世，黄淑仪感到难过，希望煇哥的家人节哀顺变。
文章来源：TVB资讯台 W博：@香港TVB资讯台
iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii
顾嘉煇逝世｜顾志和指爸爸盼“狮子山下”愈来愈好 煇哥身后事低调处理
音乐大师顾嘉煇（煇哥）在加拿大离世，享年92岁。煇哥儿子顾志和接受TVB《娱乐新闻台》越洋访问，顾志和表示爸爸身体状况一直几健康：“係最近2﹑3星期有啲併发症，同埋好似好容易好攰，大部分时间瞓喺牀，佢一路身体都几强壮，食嘢好正常，几有幽默感。
（医生判断煇哥什麽事？）年纪开始大，再加埋入院有少少呼吸困难，有啲痰，加埋92岁身体，医生话好多嘢喺呢个年纪变得好快，我哋每日都有探佢，寻晚忽然恶化，今朝早收到电话，医生打电话嚟叫我哋嚟睇睇，佢情况有少少恶劣，呼吸时要用氧气，我哋去到之后冇几耐，捉住佢隻手好Warm，但好快就慢慢停止呼吸，发生得好突然。”
问到爸爸煇哥有没有未了心愿？顾志和说：“我相信佢最大愿望係‘狮子山下’愈嚟愈好，因为你知香港九几年之后好多事发生，经济各样同黄金时代有少少唔一样，但香港人好有Resilience（复原力），佢人生大部分时间都喺香港，梗係希望香港会愈嚟愈好。”
至于煇哥后事如何安排？顾志和说：“仪式喺温哥华举行，仍然筹备中。（考虑在香港办追思会？）暂时冇咁嘅考虑。（低调处理？）冇错。”
自从煇哥在2015年举行荣休演唱会后，便移居加拿大生活，表现相当低调，顾志和说：“佢完成最后演唱会后，返嚟加拿大，平淡﹑安乐又几开心嘅一种生活，佢锺意画画，喺网上摷嘢嚟睇，朝早听歌，中西歌佢都听。”
曾献唱煇哥经典金曲《啼笑因缘》的仙杜拉，对恩师离世感突然和震惊，她说：“好突然，唔係好相信，又失咗一个人才，失咗恩师，我同煇哥好熟，好唔捨得佢，好Sad。以前同煇哥成日合作，佢好好，好惜我，畀好多电视剧集主题曲同广告歌畀我唱。（最深刻哪道歌？）《啼笑因缘》，呢首歌好紧要，唔知道咁受欢迎，如果想完骚，一定要唱《啼笑因缘》先畀走。” 返回搜狐，查看更多
责任编辑：