睇过心颖性感相！马明北上拍剧唔敢沟女 佘诗曼胡定欣有女陪不愁寂寞

　　今日快报

　　睇过心颖性感相！马明北上拍剧唔敢沟女

　　艺人马国明出发到横店拍摄无线新剧《宫心计2深宫计》，但同剧的绯闻女友黄心颖却未有同行，马明被取笑心灵空虚，他即笑谓：「我要澄清一点，我系去拍戏唔系沟女。（心颖话顺便喺戏内拍拖！）我哋系演情侣，会做好我哋部分，希望观众锺意我哋条线，都几吸引?！但我唔知佢几时上去。」

　　问到有否担心届时引来狗仔队追访？马明谓：「冇乜所谓，如果大家有兴趣影嘅话，我哋喺香港睇戏都任人影，系好正常嘅约会。（咁你哋几时唔正常去旅行或者预支蜜月？）我未有呢个计划。」更指担心当地气温高达40度会中暑，所以准备好一切消暑用品，以作降温之用。

　　谈到日前心颖性感上身拍摄广告，期间更露出心形胸，马明表示有看过有关图片，但没有留意是否心形胸。问到是否感到对方身形弗？他谓：「睇你锺意啲乜，肥瘦冇问题，最紧要系身体健康。（咁你满唔满意心颖身形吗？）好难答，健康最紧要。」

　　使唔使找数？宋祖德跪低向霆锋认低威

　　近日英皇娱乐有限公司、谢霆锋、霍汶希委托北京望衡律师事务所发声明，指2017年5月24日微博用户「未来网」发布了一篇文章称霆锋已经分手，并称霍汶希印证该说法，但是该文对霆锋的描述并不属实，因霍汶希从未发表任何回应，而大量不明真相的媒体和网络用户亦在进行转载。声明中又提到微博用户「宋祖德」发布多篇网文，屡次人身攻击谢霆锋。

　　在昨日晚上宋祖德在微博突然向霆锋等人感谢，指多谢他们善意的批评，仲话已经委托律师要求「未来网」记者作出更正，他留言：「感恩谢霆锋！感恩杨受成！感恩谢霆锋的粉丝们！今天的新闻我看到了，感谢你们对我善意的批评与提醒......我已委托律师发函要求他们更正。」

　　收埋吴业坤半裸照 JW：有咩事就勒索佢

　　歌手JW（王灏儿）及吴业坤接受电台访问，提到二人在唱K时认识，吴业坤坦言当时了解不多，JW只记得他与在场的胡鸿钧是很好的朋友。

　　吴业坤与JW因唱Cover歌和经常一起出席活动而熟络，JW指对方早前得奖时令她很感动：「记得庆功宴嗰时我喊，我好欣赏佢，觉得佢好努力。（觉唔觉佢系『毒男』？）其实我唔明咩系『伪毒』，冇咩『毒』，其实佢好正常，冇话『伪』唔『伪』，佢就系咁样。话人哋『伪毒』同『港女』嗰啲，真系好乞人憎。」

　　吴业坤认为JW是一个大情大性、乐观和爽朗的人：「大家都好简单，真系锺意唱歌。（有咩最深刻经历？）就系佢为咗我喊囉，我最记得颁奖礼庆功我哋坐咗喺餐厅后楼梯，唔知倾咗咩，但又倾咗一段时间。」他指那时拍了张照片，觉得很有感觉，又爆对方储存着他没穿上衣的照片，JW闻言笑说：「有咩事可以勒索佢吖嘛。」她笑言两人未有过电，但身边很多朋友都喜欢吴业坤。

　　被指做小三 黄宇诗哽咽：畀我冷静吓

　　已故艺人黄霑女儿黄宇诗与现任测量公司董事男友Peter拍拖多年，但即将亮相无线节目的Peter前妻Cady，早前接受媒体访问时直指黄宇诗是小三，Cady更透露前奶奶亦支持她，又透露她跟Peter所生的子女现时已改跟Peter。

左二是前妻Cady

　　及后宇诗已作出澄清，她称是Peter与前妻分居后，她才与Peter开始拍拖。到了昨日凌晨时分，宇诗在IG上载半边脸的自拍照，更「意有所指」地留言：「Please give me strength to deal with the world's bizarreness.（请给我力量面对世界的怪异）」而不少网友见状都留言叫她加油。

　　黄宇诗接受电话访问时，起初指不想回应事件，当记者问到她心情是否受好大影响及担心其他人的目光时，她哽咽落泪「嗯」了一声，强忍泪水说：「唔好意思，我一阵打番畀你，你畀我冷静吓先！」相隔半小时后她主动致电媒体，直认事件令她困扰，对于Cady即将亮相节目，黄宇诗谓：「呢啲系佢人生自由。（依家男友同前妻生嘅仔女跟番爸爸？）大个两个系跟爸爸，但系我好少见，一年见一两次。（怕唔怕报道影响佢哋对你观感？）冇谂咁多。」她又再三否认自己是第三者，亦表示想讲的之前已经讲过，不想再作回应。

　　冇仔又点？佘诗曼胡定欣有女陪不愁寂寞

　　娱乐圈有唔少黄金盛女，好似视后佘诗曼同胡定欣同样有外貌、有事业，偏偏感情仲未有着落，不过佢哋似乎一啲都唔心急嫁人，一有空闲时间都会预留畀班好姊妹先！

　　话说今日就系佘诗曼42岁生日，佢寻日就约咗汤盈盈、姚乐怡、梁靖琪、锺丽淇等娱乐圈「七姊妹」成员一齐食饭庆生，之后仲影咗一张大合照留念，不过就唔见周家蔚现身。相中阿佘捧住蛋糕之外，就连下月生日嘅汤盈盈亦有捧住蛋糕。阿佘表示：「女朋友会令你大笑起来（喺一间唔错嘅餐厅内），当你受伤时会抱住你，总系知你最需要佢哋。所以好高兴生日有你哋陪伴…！」

　　呢一边厢嘅阿佘玩得尽兴，另一边厢嘅胡定欣亦有女女陪，不过佢就可能心情复杂啲！即将飞横店逗留长时间拍剧嘅胡定欣，早前完成《宫心计2深宫计》嘅无线厂景后，就趁有空档即约「胡说八道会」成员好似胡蓓蔚、黄智雯，姚子羚、李施嬅出嚟聚旧，佢喺Instagram上载合照，并表示：「我知，到我啦嘛！！我会每日send我喺横店既（嘅）相俾（畀）你地（哋）！！包括太阳，太阳同太阳……??」

?转载授权微信：lama129

? 商务QQ：443317765

?投稿邮箱：tghkchannel@163.com