艺人胡诺言（胡仔）同太太陈琪已育有两位女女芝苓与芝悠。今年6月爆出42岁的陈琪怀有第三胎，而今次仲系仔嚟添！呢排胡仔经常放陈琪嘅大肚照上网，同大家分享喜悦，倒数住小生命嘅来临，可见佢心情的确非常兴奋，今日两人嘅第三个爱情结晶品终于出世喇！
两人选择今日中午时分开刀分娩，好老公胡仔陪住陈琪入院，拣今日开刀系因为两位女儿今日放假，可以见证住细佬出世！
BB仔重8.1磅，超级精灵可爱，眼同鼻都相当似爸爸，更喊得好大声，系三胎之中喊得最大声嘅BB！生完B后，陈琪、胡仔笑晒口同BB自拍合照，见到陈琪生完BB仍然非常精神，胡仔再度荣升爸爸，亦当然笑到见牙唔见眼啦！
其实今次两人再得子可谓相当不易，因2013年陈琪曾人工流产同出现子宫出血，当时被医生指再怀孕机会唔高，但经过连番努力终再报喜。怀孕期间更要睇足两个医生，平日生活亦要相当小心谨慎，今日BB仔顺利出世，真系可喜可贺！
本文来源网络 版权归原作者所有
商务合作QQ:800034192
ID:xianggangboss
)
