李彩華加盟緋聞男友蕭定一旗下纖體公司任代言人,身價大升之餘,更被同場肥媽取笑!雖然地位超然,但李彩華卻不敵同場的陳加玲逼爆低胸誘惑,慘被搶去不少風頭。
李彩華昨日盛裝出席記者會,正式加盟緋聞男友蕭定一旗下的纖體公司「變.靚.D」,擔任一年半代言人。當記者邀請一對緋聞男女合照時,李彩華和蕭定一顯得尷尬非常,站在旁邊的肥媽不禁取笑兩人說:「套婚紗畀佢啦!」。
問李彩華得到緋聞男友支持,身價是否與別不同,她說:「有七位數字,但唔關私人交情事,係公司幫我傾,21世紀女性要靠自己,靠人好大鑊,唔會畀人講緋聞,我都係賣廣告,唔需要避忌。」
滿意上圍細細
李彩華與另一間纖體公司雖然已約滿,但官司卻仍未解決。今次簽約新公司後,荷包大脹,身形卻再縮水,雖然李彩華說胸部「細細」已很滿意,但同場任嘉賓的陳加玲卻「乳」出驚人,超性感低胸誘惑,搶去李彩華不少風頭,陳加玲說:「唔會!佢先係代言人,我都好想似佢咁靚,手長腳長,我寧願做佢,唔想減極都咁珠圓玉潤。」陳加玲透露今年會成立製作公司,拍攝電影和電視。此外,到賀的嘉賓還有洪欣、陳煒、姚樂怡、白韻琴、湯鎮業及劉以達等人。
|